Сарыбастау

Айтылмаған бір жыр бар таңдайымда,
Сұлу сөз тереңнен аулайын ба?!
Өзге таудан шоқтығы биік тұрған,
Біздің ауыл Ақкердің баурайында.

Мақсат үшін тер төгіп, жанталасқан,
Мұндай елді таппайсың жалпы алаштан.
Мен мұңдалап алыстап көрінбейді,
Біздің ауыл бір сайға орналасқан
Айналайын туған жер,
Бағымды менің асырған.
Суыңнан сенің нәр алып,
Өлеңді сүйдім жасымнан.

Туып өскен жерім ғой,
САРЫБАСТАУ менің мекенім.
Жүрегім соғып тұрғанда,
Өзіңді жырлап өтемін

Бекжан Ақботаев