Вулька-Телеханская

ВУЛЬКА-ЦЕЛЯХАНСКАЯ
Вёска ў Целяханскім пасялковым Савеце, за 49 км ад раённага цэнтра і чыгуначнай станцыі Івацэвічы на лініі Брэст—Баранавічы. 232 гаспадаркі, 615 жыхароў (2005).
Паводле пісьмовых крыніц вядомы з 19 стагоддзя. У 1880 г. вёска ў Целяханскай воласці Пінскага павета Мінскай губерні, размяшчалася на беразе возера Вулька (Волянскае), якое ўваходзіла ў сістэму Агінскага канала; мела 57 двароў, 209 жыхароў, якія займаліся ў асноўным сплавам лесу. Уладанне Пуслоўскіх, у Вулькаўскім сельскім таварыстве. Паводле перапісу 1897 г. Вулька — вёска (135 двароў, 912 жыхароў, хлебазапасны магазін); лясная ахова (2 будынкі, 15 жыхароў) і сядзіба (11 жыхароў, працавала карчма). У 1909 г. ў вёсцы 1300 жыхароў, 176 двароў. У 1915 г. лінія фронту ўстанавілася ўздоўж Агінскага канала і праходзіла праз Целяханы, Вульку-Целяханскую, Выганашчы, Выганашчанскае возера. Фронт стаяў тут да восені 1918 г. 3 1921 г. ў складзе Польшчы. 3 1939 г. ў БССР. У 1940 г. вёска Вулька-Целяханская ў Целяханскім с/с Целяханскага р-на Пінскай вобласці, 202 двары, 1608 жыхароў. У Вялікую Айчынную вайну ў 1941—44 гг. акупіравана нямецка-фашысцкімі захопнікамі, якія ў красавіку 1944 г. поўнасцю спалілі вёску і загубілі 19 жыхароў. На фронце загінулі 28 вяскоўцаў. У 1947 г. вёска ў Выганашчанскім с/с, 211 гаспадарак. У 1951—52 гг. вёска налічвала 211 двароў, 1041 жыхара, знаходзілася ў складзе калгаса «1 Мая». 3 8.1. 1954 г. ў Брэсцкай вобласці. 3 8.8.1959 г. ў складзе Лагішынскага р-на, 1059 жыхароў. 3 25.11.1962 г. ў Пін-скім, з 6.1. 1965 г. ў Івацэвіцкім р-нах. У 1970 г. 996 жыхароў. 3 1979 г. ў Гортальскім с/с. 3 1987 г. вёска ў Целяханскім пасялковым Савеце. У 1997 г. — 242 двары, 56 жыхароў; у 2002 г. — 242 гаспадаркі, 650 жыхароў. Размешчаны сярэдняя школа, фельчарска-акушэрскі пункт, магазін, аддзяленне сувязі, клуб, бібліятэка.